TVB週刊，十月一號最後一期

上月底電視廣播（0511）公佈中期業績時，宣佈無綫官方刊物《TVB周刊》印刷版將停刊（相關新聞︰ https://bit.ly/2M8k2Vi ），轉為網上版，當時管理層未有向員工透露停刊日期，或日後人手安排。報道刊出後，無綫總經理鄭善強稱一切仍在檢討中，仲話未有實際時間表，始終《TVB周刊》係紙媒，要睇數碼化嘅影響再檢討。

事隔半個月，有指《TVB周刊》出版人尹錦輝近日發出內部通告，逢周一出版嘅《TVB周刊》將會出埋最後四期，會喺10月1日推出第1110期為最後一期。消息指，編採、攝影、美術等數十名員工悉數冇得留低，仲話只有廣告部嘅同事安排去J2台工作。