免費論壇 繁體 | 簡體
Sclub交友聊天~加入聊天室當版主
分享
帖子
热搜:
返回列表 发帖

曾志偉已起訴韓姨 痛心明星足球隊舊聞被翻炒

曾志偉今午為近來的性侵疑雲開記招,不設問答環節,分別以廣東話及普通話發表內容,整個記招歷時10分鐘左右。
      
      曾志偉表情沉重,回應近日的傳言,「各位新聞界嘅朋友大家好,辛苦大家。最近喺網絡上面出現咗一啲不實嘅報道,呢啲針對我嘅報道係非常嚴重嘅指控,已經影響咗我個人嘅聲譽,更加令我難過,係連身邊支持我嘅朋友,我摯愛嘅家人、仔女,甚至乎明星足球隊,都遭受到不必要嘅傷害。我覺得我有必要行出嚟,作出最後一次公開嘅回應。」
      
      針對「曾志偉性侵藍潔瑛」的傳聞,曾志偉表示「我可以同大家講,係完全捏造,尊重女性係我堅持嘅原則,我願意配合任何形式嘅調查,我亦都堅決用法律嘅手段維護我嘅聲譽。」
      
      另外,再有一名自稱「模特兒教母」的內地女士韓穎華,在社交平台連番直指曾志偉捲入性侵,曾志偉回應:「對於韓女士的不實指控,我已經採取咗法律行動去起訴佢,目前已經走緊法律程序。」他稱有指控關於明星足球隊:「話我哋足球隊借慈善賽為名,尋歡為實,其實呢個報道喺2006年,當時我哋已經控告對方誹謗而作出勝訴,但咁多年後竟然再有有心人攞出嚟抹黑,我非常之難過、唔開心。」
      
      採取法律行動的曾志偉坦言:「希望法律可以畀我一個最終嘅結果,還我一個公道,但我更加希望通過網絡發佈,傳播不實報道,惡意中傷他人嘅壞風氣可以早日停止。網絡當然帶畀我哋好多便利,但係亦俾立心不良嘅壞份子,更容易利用網民嘅不知情去混水摸魚,操縱大眾情緒去傷害他人,事後佢哋又唔使付出任何代價,呢個係最悲哀。」
      
      曾志偉續「以往我對於失實報道,都係不聞不問、不瞅不睬嘅態度,因為清者自清,使乜回答佢,點解要畀對方炒作嘅機會去達到目的呢?但係喺今時今日嘅網絡世界,似乎已經行唔通。今次呢件事令我深深明白,如果對造謠或者傳謠者一味忍讓,又唔令佢哋付出代價,只會令網絡暴力愈來愈嚴重,真相愈來愈難見天日,謠言同網絡暴力係一時,但係對相關人造成嘅傷害係一世。」他希望同類事件及被害者可減少,今次的性侵疑雲事件已進入司法程序,日後不會再回應相關事件。
分享到: QQ空间QQ空间 腾讯微博腾讯微博 腾讯朋友腾讯朋友

曾志偉今午就捲入性侵疑雲一事,在九龍香格里拉酒店舉行記者會,他與兩位律師到場,3人先站在台上任傳媒拍照,阿仔曾國祥亦有到場撐爸爸。曾志偉身旁的大律師先發言,表明記者會不設答問環節。
      
      內地瘋傳「性侵藍潔瑛」的訪問片段,令曾志偉近來捲入性侵疑雲,及後再有一名內地的「模特兒教母」韓穎華在社交平台直指曾志偉是性侵案主角。曾志偉就傳言作出澄清,分別以廣東話及普通話讀出講稿,表示家人、朋友,甚至明星足球隊都遭受傷害,因此必須回應事件。
      
      曾志偉指有關性侵藍潔瑛的報道全是捏造,願接受任何形式的調查,尊重女性是他堅持的原則,並譴責網絡暴力;針對他不實的指控,已採取法律行動作出起訴。

TOP

返回列表