相隔17年再拍無綫劇　楊千嬅押後生B

影后楊千嬅到尖沙咀出席無綫新劇《多功能老婆》記者會，她表示今次回到TVB，是一件有緣分和奇妙的事。講到相隔17年再拍劇，對上一套已經是2001年播映的、與林峯合作的《美味情緣》，千嬅笑說：「我入行唔係好耐咋！舊年演唱會期間，余詠珊打電話搵丁生（丁子高），話陳寶華想搵我拍劇，跟住同寶華姐傾過大綱，我都好奇點解搵我，佢話覺得呢個角色係我！最近我都追睇緊《我本善良》，可以同寶華姐呢一位前輩合作，係一個增值，但唔知點解咁秘密，搞到我好似秘撈咁，丁生就好似特務咁幫我去傾。」而早前講過想追BB的千嬅，看來要押後造人大計，全力拍劇！

再拍港劇感榮幸

講到拍劇好困身，千嬅笑指自己在現實中已很多功能，劇集會在暑假開拍，相信對家庭影響不大，問酬勞是否吸引？她說：「係一個合理比例，今次製作班底好好，大家都想好似寶華姐咁講，拍一個好嘅港劇，因為自己睇港劇長大，覺得好榮幸。」

激讚陳煒

千嬅在劇中將與陳煒及朱晨麗演閨密，她笑言一直很喜歡陳煒：「佢套《梟雄》好好，一直都覺得佢好有氣慨。」

分享到: QQ空间 腾讯微博 腾讯朋友

管理员

Rank: 9 Rank: 9 Rank: 9

2^#

tvb发表于 2018-3-8 20:44 | 只看该作者

藝人黎燕珊到尖沙咀出席新劇《多功能老婆》記者會，透露將與花旦朱晨麗演母女。黎燕珊表示在亞視時已經與陳寶華相識，笑言今次合作如美夢成真。黎燕珊又感恩角色相當貼近自己：「就好似演我嘅人生故事，我個女都係做空姐，之後都要約朱晨麗行行街先得！現實中我都經常同個女行街。」

黎燕珊笑言今次接拍新劇，兒子最戥她開心：「因為佢知道媽咪同佢兩個偶像周柏豪、楊千嬅合作，剛剛集中火力同柏豪集郵傳畀仔仔睇，我有講佢係仔仔偶像，佢叫我記得帶仔仔嚟探班！」

TOP

管理员

Rank: 9 Rank: 9 Rank: 9

3^#

tvb发表于 2018-3-8 20:44 | 只看该作者

曾打造經典無綫劇集《真情》的金牌監製陳寶華，相隔16年回巢，打造劇集《多功能老婆》，在尖沙咀舉行記者會公布詳情，主要演員周柏豪、黃浩然、陳煒、朱晨麗、黎燕珊和黃錦燊等齊齊亮相，至於女主角則壓軸公布，是影后楊千嬅，這她是繼2001年《美味情緣》後，相隔17年再度參演TVB劇。

陳寶華表示今次合作是由無綫高層余詠珊及杜之克促成，二人多次到北京與她傾合作，原來女主角她早已有心水人選，並強調這是個不可能的計劃，要感謝二人如變法術一樣促成由楊千嬅演出。

至於有傳離開TVB多年的鄧萃雯會為她回巢而演出，陳寶華說：「我又唔係得一檔戲，今次角色係比較適合楊千嬅演出，呢套劇係去年六月簽，到真正確認女主角，我即時押後晒內地其他工作，想帶頭做番啲好嘅港劇。（套劇喺邊個平台播？）未知，因為女主角之前一直係秘密，加上未有劇本，我哋都要追番上啲工作。（千嬅身價貴？）唔係由我傾，我都想問番佢，佢係我心目中嘅女主角，但我一直以為冇可能。其實我都係剛剛同丁子峻（楊千嬅丈夫丁子高堂兄）合作完內地劇，都唔敢同佢傾呢個話題，好怕佢會估到！」

TOP

返回列表

相隔17年再拍無綫劇　楊千嬅押後生B

[收藏此主题] [关注此主题的新回复]

[通过 QQ、MSN 分享给朋友]

相隔17年再拍無綫劇 楊千嬅押後生B

[收藏此主题] [关注此主题的新回复]

[通过 QQ、MSN 分享给朋友]

相隔17年再拍無綫劇　楊千嬅押後生B