免費論壇 繁體 | 簡體
Sclub交友聊天~加入聊天室當版主
分享
Board logo

标题: 《平安谷之詭谷傳說》阮兆祥諧星變奸角笑出聲 [打印本页]

作者: tvb    时间: 2018-2-9 10:10     标题: 《平安谷之詭谷傳說》阮兆祥諧星變奸角笑出聲

《平安谷之詭谷傳說》聽晚就播出大結局,祥仔阮兆祥一向做開嘻嘻哈哈嘅諧星角色,嚟到平安谷竟然一反常態演奸到出汗嘅管家伍尚舜。伍管家喺劇入面暗戀陸家谷爺(劉江飾)填房顧曼儀(朱晨麗飾),單方面嘅暗戀令佢為曼儀做咗唔少唔見得光嘅事,當中包括為幫曼儀出一口氣而綁架小璇,可惜最後唔成功。


日前播出劇情說到伍管家向曼儀表白,透露自己一直以來對她的愛意,並承諾會帶她離開平安谷及帶來好生活。然後他便設計使開二奶奶和谷爺等人,再次綁架小璇。從片段可見,阮兆祥綁架小璇時的表情七情上臉,而且笑聲聽起來陰險得令人心寒,與祥仔平時示人的形象完全不同。有網民睇完今集之後仲表示估唔到祥仔嘅歡笑聲都有奸到出汁的另一面,仲覺得見到祥仔演奸角充滿新鮮感添。




祥仔近幾年通常都係演一啲為觀眾帶嚟歡樂嘅輕鬆角色,當中包括《溏心風暴3》入面嘅梁贊、《性在有情》嘅甘昌同《巨輪II》嘅龍飛等等,難怪觀眾會覺得祥仔今次演繹會有新鮮感。




欢迎光临 TVB资讯网 (http://tvb.66rt.com/) Powered by Discuz! 7.2