免費論壇 繁體 | 簡體
Sclub交友聊天~加入聊天室當版主
分享
帖子
热搜:
返回列表 发帖

點名讚胡定欣 任達華入TVB谷戲撩拍劇

影帝任達華、唐詩詠、方力申、王菀之、姜皓文、莊思明及麥子樂到將軍澳電視城宣傳英皇電影《我的情敵女婿》,到餐廳派揮春及魚蝦蟹,吸引大批TVB員工包圍索合照。

任達華表示很久沒有到將軍澳電視城,只是之前台慶來過一次,今次再來令他勾起四十年前首次拍劇的情景,亦心郁郁想再拍劇:「好鍾意拍劇,四個月喺埋一齊,大家庭咁好開心。(想再拍劇?)今年都可以考慮。(咩題材?)唔知,咩角色都OK,最想演警察,多啲矛盾,工作同家庭有唔同嘅矛盾。(識唔識依家啲花旦?)佢哋好叻㗎!有好多好演員。(依家識邊個新人?)胡定欣,幾好呀!(佢唔新喇!)我知!咁每年有新港姐、華姐,我唔介意帶新人,我都做過新人,咁先可以令行業更好,華姐出身有好處,表現自然啲,融入埋香港文化就更好。」

要求每日十小時休息

任達華表示想再拍劇的想法未跟TVB高層傾過,但若成事相信可以安排到時間。問有甚麼條件?他說:「休息時間當然要夠,咁先夠活力,每日至少要十小時休息啦!(唔講錢?)都要求呀,我貴㗎!以前拍劇賺唔番,希望賺到買到樓,講笑啫!感情最重要,仲有劇本,有時同新導演合作我都只係拎封利是仔。」

問農曆新年會否出埠?任達華表示聖誕到了攝氏零下40度的芬蘭,計劃新年與太太及女兒到40度熱帶地方,例如赤道國家或南半球。
分享到: QQ空间QQ空间 腾讯微博腾讯微博 腾讯朋友腾讯朋友

返回列表