免費論壇 繁體 | 簡體
Sclub交友聊天~加入聊天室當版主
分享
帖子
热搜: TVB 颁奖
返回列表 发帖

王維基批評業界不關心網購 免費電視 「發牌先算」



香港電視(1137)主席王維基總以挑戰者姿態出現。由城市電訊引入回撥長途電話、香港寬頻(1310)攻電視,到轉型搞網購,即使經歷免費電視發牌一役,他依舊我行我素。今次挑機傳統零售業,直言行業沉醉過去30至40年成功經驗,「只要喺銅鑼灣、尖沙嘴搵到個好嘅舖頭就得,但呢一種模式已經係過去,係好多人(傳統零售商)都仲未瞓醒。」
記者:卓茗 彭崇強

訪問當日,氣溫低至10度,將軍澳工業邨的風更冷冽。王維基顯得精神抖擻,「我會覺得點解仍然能夠令我今朝一早彈起身,咁凍都彈起身返工,我諗呢樣嘢係好好玩。好好玩來自於我好多嘢學,好多嘢我唔識。」
做HKTV mall前,他原本連化妝品、護膚品都不會分辨,對消費者的了解也不如同事。「我之前輸咗㗎,我啲同事話,啲客係鍾意pick up㗎。我話冇理由,點會唔鍾意送去屋企,鍾意拎咩。」豈料部份地區的實體店提貨量,甚至超出送貨上門,於是力拓住宅區實體店,目前已開設16間。

指對手只關注搵靚舖

王維基直指,本港零售業仍停留於傳統想法,認為只要覓得靚舖位便可。對於網購,大公司有能力做、但不關心,小公司缺乏資源、卻很關注。歐美早已出現電商巨頭亞馬遜,內地亦有淘寶、天貓,大至電器、小至餐具,均可網購。「係全世界都行緊,但唔知點解香港嘅零售商就好似睇唔到、睇唔到、睇唔到。」
HKTV mall開業三年,定單漸見規模,王維基每每出席論壇,亦如數家珍。2015年初期日均單量僅數百張,去年12月已增至7,600張,單月營業額過億元。他指,此前策略是招攬大品牌,現時進駐商戶共2,700間,囊括一般超市約9成品牌。
作為網購平台,擁有大品牌並不足以與實體商舖競爭,話至此,王維基彷彿sales上身。以洗髮水為例,他指,街舖通常出售最常見的100、200款。若消費者求新鮮,想買日韓台新品牌,實體店便未能滿足,因為這些品牌難以打入大型連鎖店。「舖租貴,只可以容納知道會最好賣的貨品。」
HKTV mall嘗試由此突破重圍,着手引入小型品牌。他表示,單計洗髮水已過千款,「我相信香港應該係無任何一間實體店,係會有1,400幾種洗頭水畀你去選擇。」不過,HKTV mall亦只會存放最暢銷的200至300種洗髮水,餘下款式由商戶直接出貨。

「要先想像十年後係點」

王維基豪言,HKTV mall發展阻力源於平台自身,即執貨時間、貨品選擇等。不少朋友認為香港根本不需要網購,他反駁道,假如香港沒有餐廳能夠烹調出色的法國菜,便斷定港人不愛吃,「咁係香港人唔鍾意食法國菜,定香港煮唔出好好食的法國菜,嗰個係雞同雞蛋嘅問題。」所以,他的目標是成為出色的法國菜餐廳。
提到HKTV mall大計,他指,當貨品種類達到30至40萬,車隊規模約200至300部;早上11時落單,當晚7時送貨上門時,「我相信成件事會反轉咗。」
「15年前啲人同我講,香港上網邊需要咁快㗎,邊需要上傳㗎?」當年沒有facebook、Snapchat,網絡多用於下傳。香港寬頻率先為住宅區鋪設100M光纖網絡,卻被視為「儍佬」。
昔日的儍佬變成今日的魔童,似乎永遠行先一步,王維基說:「如果你要改變呢個世界,你要想像呢個世界十年後會係點。」
附件: 您需要登录才可以下载或查看附件。没有帐号?注册  
分享到: QQ空间QQ空间 腾讯微博腾讯微博 腾讯朋友腾讯朋友

【本報訊】四年前,香港電視(1137)申請免費電視牌照失敗,鎂光燈下,王維基的憤怒表露無遺。當時他說,「這是一場持久戰,不會一兩日之內完結。」如今,戰爭演變成漫長的等待,王維基認為,現時部份電視劇的拍攝手法與港視相似,也是對電視業的一種貢獻。

稱對電視業有貢獻

提到電視夢是否還在,王維基突然反問,「點解你硬係要用『夢』呢?就咁用電視咪算囉,點解你唔講網購夢呢?點解你唔講寬頻夢呢?」尚未實現,故稱之為夢?他不以為然,「我做咗,我有做過㗎。」
他表示,港視將劇集和節目賣埠至內地、東南亞,錄得不錯收益,單計內地已有過億收入。若真要計算盈虧,確實「輸咗少少錢」。然而,他指出,現時有些電視劇改變了拍攝或製作手法,頗似港視劇集。「咁我諗我哋係電視業上都有小小貢獻,雖然比我預期中少。」
2013年港視不獲發牌,第二次免費電視牌照申請一直等待政府審批。現時「一男子因素」已消失,如獲發牌會否捲土重來?他僅指:「等到先再算啦。我都唔知等得條頸伸到幾長。」港視承諾的將軍澳多媒體中心已落成,他指,參考Youtube開放空間的做法,將錄影廠開放予從事媒體或拍攝年輕人,共享資源。
以城市電訊往績為例證,王維基道:「我嘅生命係有限的,我只係會做一啲對香港有貢獻,而又少香港人去做嘅事。」他明言,現階段電商「太好玩」,將集中資源做網購。去年中期業績公告亦指,將檢討已向政府提出的第二次免費電視牌申請,因電視及媒體生態較八年前首次申請時,已出現重大轉變

TOP

自力更生港視未擬引資

【本報訊】王維基2012年「賣仔」瞓身做電視,出售電訊業務套現50億元,多重波折後,如今燒剩約10億元。HKTV mall續需大量投資,青衣及將軍澳倉庫計劃安裝自動化系統斥資約1.7億元,但王維基表示,並未考慮為港視(1137)引入新投資者,自言一直自力更生。

燒錢略好轉 負債仍少

王維基去年曾稱,港視日蝕「一部Benz」,約50至60萬元。現時略為好轉,「現在蝕個細啲model嘅Benz,唔使蝕部咁大嘅啦。」
港視2015年2月正式展開網購業務HKTV mall,該年營業額1.12億元,當中僅三成來自網購。翌年完全停止節目製作,虧損大幅收窄至2.57億元,營業額99%由網購產生,並增長逾六成至1.87億元。截至去年6月底,港視手頭現金及可供出售證券,總額為10億元;若網購續蝕錢,以每年2億元粗略計算,即有本錢燒多5年。
王維基認為,一盤生意初期蝕錢是理所當然,「一開張第一日就賺錢,嗰啲唔係生意嚟,嗰啲係人人都可以做嘅嘢。」眼見資金越燒越少,他亦未打算引入新投資者。「你見到我哋呢個集團,過往25年嘅歷史,都係自力更生、自食其力。」他強調,港視負債少,坐擁一定資產,資源仍然充足。

TOP

看淡虛名只做熱衷的事

【本報訊】人生有幾多個十年?王維基曾形容,20至80歲之間,人生有6座山,每座山代表十年。每個山頂都有美景,而抵達最後一座時,希望能看到自己想見的陽光。他指,每座山風景不同,已過了在乎虛名的年紀,現在只做熱衷的事,「我好衰㗎喎,冇熱誠嗰樣嘢我唔做。」

心中喜悅已在山頂
「呢一刻鐘我唔敢講自己在山頂。如果你用財富,我唔係喺山頂;你講權勢,我唔係喺山頂;但你講我心中的喜悅、或我對自己的信任,我喺山頂。」城市電訊用了兩個十年,轉戰電視、再從網購重新出發又用了五年,他仍自信道:「我係覺得我有能力去做任何事。」
是否帶着孤注一擲的勇氣,就能成功?王維基竟搬出孫中山作答:有志之士,當立心做大事,不可立心做大官。他自嘲要倚老賣老地講句,「如果你眼淨係我要搵錢、我要搵錢、我要搵錢,你一定失敗。」重要的事要說三次。「呢個意思係無論你睇Steve Jobs的自傳,睇任何一個人的自傳都話畀你聽,唔好諗住去搵錢,係諗住點樣去做嗰件事。」當你做好一件事,財富自然會出現,這是他的哲學。

TOP

返回列表